100 ankesa për Strugën, Tetovën dhe Çairin

Përsëritja e votimeve në tre komuna – atë të Çairit, Strugës dhe Tetovës, ka qenë objekt i një numri të madh ankesash që Lëvizja BESA dhe Aleanca për Shqiptarët kanë dorëzuar deri tek Komisioni Shtetëror Zgjedhor, shkruan gazeta KOHA. Gjithsej 86 ankesa vetëm për Komunë e Çairit janë të Lëvizjes BESA, ndërsa tre ankesa për Komunën e Tetovës, ndërkaq Aleanca për Shqiptarët ka dorëzuar 13 ankesa vetëm për Komuna e Strugës. Nga Lëvizja BESA hedhin dyshime për numrin e madh të fletëvotimeve të pavlefshme në Komunën e Çairit – mbi 1200 të tilla, me çka ky manipulim, siç thotë Faton Fazliu, zëdhënës i kësaj partie, ka deformuar rezultatin zgjedhor. “Në Komisionin Shtetëror të Zgjedhjeve i dorëzuam 86 ankesa për procesin zgjedhor në Komunën e Çairit. Për shkak të numrit të madh të fletëvotimeve të pavlefshme, ne kemi dyshime serioze se manipulimi është bërë pikërisht në këto fletëvotime, duke deformuar rezultatin zgjedhor e rrjedhimisht – edhe vullnetin e qytetarëve të Çarit. Prandaj, shumica e ankesave kanë të bëjnë… (më gjerësisht në numrin e nesërm të gazetës KOHA)