Vritet në Gjermani 39 vjeçari shqiptar (FOTO)
Maqedoni, Slider

Vritet në Gjermani 39 vjeçari shqiptar (FOTO)

Një ngjarje e rëndë ka ndodhur në Gjermani, ku një shqiptar është qëlluar me armë dhe si pasojë ka humbur jetën në vendin e ngjarjes, ndërsa i plagosur ka ngelur vëllai i tij. Ngjarja ka ndodhur në qytetin Absenberg në Bavari.
Viktimë ka ngelur 39-vjeçari Fatos Lumi nga Bllaca e Suharekës. Vëllai i tij 46 vjeç që u qëllua pak më vonë. Ai u dërgua në spital me ndihmën e një helikopteri.
Oficerët e policisë ndërkohë kanë arrestuar dy të dyshuar në lidhje me ngjarjen. Kanë qenë dëshmitarët në vendngjarje që përshkruan automjetin e autorëve të dyshuar.
Brenda pak minutash, edhe me ndihmën e helikopterëve, policia arriti të ndalonte dy kosovarë, 30 dhe 41 vjeç, të cilët nuk bënë rezistencë.
Agjentët e policisë sekuestruan edhe armën e vrasjes.
Hetuesit kanë dyshime se viktima dhe autorët kishin njohje me njëri-tjetrin./radiofati

October 4, 2019

Struga Ekspres