Mos ujitni me ujin e pijshëm se bëheni shkak që dikush nuk ka ujë as për nevojat themelore
NPN Proaqua në këto ditë jashtzakonisht të nxehta apelon deri tek konsumatorët që të përdorin ujin me racionalitetin më të madh e të mos ujisin kopshtet e tyre me ujin e pijshëm sepse për shkak të motit të nxehtë burimet e ujit që furnizojnë qytetin e Strugës dhe rrethinën me ujë janë me kapacitet shumë të ulët dhe kështu çdo pikë ujë i keqpërdorur mund të sjellë pasoja shumë të mëdha tek të gjithë konsumatorët e ujit të Proaquas. Shpresojmë që të gjithë konsumatorët ta marrin këtë apel seriozisht dhe të përmbahen nga keqpërdorimi i ujit të pijshëm.
Njëherit mërgimtarëve të ardhur u dëshirojmë qëndrim të këndshëm në vendlindjen e tyre dhe prej tyre kërkojmë që ti paguajnë me rregull faturat e pranuara nga NPN Proaqua për shkak të intervalit të shkurtër kohor ku ato mund të gjenden nëpër shtëpitë e tyre dhe i lusim që për çdo shqetësim që kanë apo ndryshim të ndonjë rrethane të drejtohen pranë zyrave tona administrative që as edhe një gjë të mos mbesë e paqartë dhe e pazgjidhur.
Ne po bëjmë të pamundurën që në këtë periudhë thatësire të furnizojmë me ujë çdo amvisëri dhe biznes në Komunën e Strugës, prandaj ju lutemi për mirkuptim.
Me respekt,
NPN Proaqua Strugë.
