Mbrëmjen e kaluar dhe mëngjesin e sotëm janë plaçkitur dy bastore njëra në Shkup dhe tjetra në Gostivar.
Nën kërcënimin e armës një të punësuari në bastoren në Gostivar janë marrë sasi e madhe e parash. Sipas SPB Tetovë, plaçkitja është denoncuar mëngjesin e sotëm rreth orës 9. Nga informacionet e para pas ekspertizës që e kanë kryer nga stacioni policor i Gostivarit, një person i panjohur me kapelë të maskuar ka hyrë në bastoren që ndodhet në qendër të qytetit, e ka kërcënuar të punësuarin dhe ia ka drejtuar pistoletën, pas së cilës ka kërkuar që t’i jepen paratë. Personi I gjinisë mashkullore me paratë e plaçkitura është larguar me shpejtësi. Policia po punon në zbulimin e identitetit të plaçkitësit.
Poashtu mbrëmë, në orën 22:00 në Shkup, në rrugën “Maxhari”, dy persona të panjohur me një kërcënim me pistoletë kanë marrë 151.500 denarë nga qarkullimi ditor poashtu në bastore.
