/div>
Loris
Dhoma-Energy Reklamo ketu!
Ndërron jetë aktori Rikard Ljarja, kinematografia shqiptare humb ‘Dedën’
Kulturë, Slider

Ndërron jetë aktori Rikard Ljarja, kinematografia shqiptare humb ‘Dedën’

Është ndarë nga jeta aktori Rikard Ljarja, në moshën 77-vjeçare. Mësohet se aktori prej disa kohësh vuante nga një sëmundje e rëndë.

Ceremonia mortore, për shkak të situatës, do të zhvillohet në Shkodër me rrethin e ngushtë familjar.

Rikard Ljarja ishte një aktor mjaft i dashur dhe i njohur i teatrit dhe kinemasë shqiptare. Në vitin 1960 mbaroi maturën në Shkodër kurse në vitin 1965 u diplomua në Shkollën e Lartë të Aktrimit “Aleksandër Moisiu”, Tiranë.

I pazëvendësueshmi Rikard Larja, ose i njohur ndryshe si Deda në filmin “Rrugë të bardha”, për tetë vite, pas diplomimit, punoi aktor i teatrit në Teatrin “Migjeni” në Shkodër.

Prej vitit 1973 deri në vitin 1996 ai ishte aktor, skenarist dhe regjisor i filmave të prodhuar nga kinostudiot. Prej 1996 deri 2002, kur doli në pension, ishte drejtor artistik në televizionin publik shqiptar.

Filmat që ka luajtur:

Viktimat e Tivarit (1996)
Fletë të bardha – (1990) Shoku Emir
Pesha e kohës – (1988), Vasili
Rrethi i kujtesës – (1987), Mjeku
Në prag të jetës – (1985), Andrea
Pranverë e hidhur – (1985) Xha Teli
Skëterrë ’43 – (1980), Andrea
Radiostacioni – (1979) Komandanti
Në pyjet me borë ka jetë – (1978), Luka
Ilegalët – (1976) Tosti
Në fillim të verës – (1975) I deleguari i qarkorit
Rrugicat që kërkonin diell – (1975) Gaqo Tipografi
Rrugë të bardha – (1974) Deda
Shpërthimi – (1974) Inxhinjer Iliri
Ndërgjegja – (1972) Fitimi
Yjet e netëve të gjata – (1972)……xhandari
Kur zbardhi një ditë – (1971) Komisari
Plagë të vjetra – (1968)…….Naimi
Ngadhnjim mbi vdekjen – (1967)..Perlati
Duel i heshtur – (1967) Skenderi
Komisari i dritës – (1966) Dritan Shkabaj
Monumenti

Regjisor:

Pesha e kohës – (1988)
Kur hapen dyert e jetës – (1986)
Fundi i një gjakmarrjeje – (1983)
Dita e parë e emrimit – (1981)
Sketerre 43 – (1980)
Radiostacioni – (1979)
Në pyjet me borë ka jetë – (1978)

Skenarist:

Pesha e kohës – (1988)
Kur hapen dyert e jetës – (1986)

Top Channel

April 20, 2020

error: Content is protected !!
Struga Ekspres