/div>
Loris
Dhoma-Energy Reklamo ketu!
Bilall Kasami flet pas hapjes së kufijve: Iu dëshiroj mërgimtarëve shëndet dhe mirëseardhje
Opinion, Slider

Bilall Kasami flet pas hapjes së kufijve: Iu dëshiroj mërgimtarëve shëndet dhe mirëseardhje

Vendimi i sotëm i Qeverisë për të hapur kufijtë e Maqedonisë së Veriut, pa dyshim se është lajmi më i mirë i ditës. Vendim për të përshëndetur të gjithë partitë politike, në veçanti qasjen konstruktive të Lëvizjes BESA.

Ne çdoherë kemi kërkuar që vendimi për hapjen e kufijve të mos jetë vetëm politik, por përbrenda vendimit të ketë referencë shkencore nga institucionet shëndetësore, me të vetmin qëllim për të mbrojtur qytetarët dhe diasporën e këtij vendi.

Natyrisht se brenga më e madhe ka qenë ardhja e mërgatës shqiptare, që ata të mos përballen me telashe nëpër kufi, por falë angazhimit të të gjithë akterëve politik, ajo është e mirëserardhur në vendlindje për të parë të dashurit e tyre. Diaspora shqiptare nuk është vetëm aset kombëtar apo arkë ekonomike, por së pari janë të dashurit tonë, janë zemra dhe mendja e të gjithë proceseve historike. Edhe kur ju kanë shpërfillur, dashuria juaj për vendlindjen ka qenë pa kushte. Hapja e kufijve pa kushte për diasporën nuk është dëshirë apo krenari e dikujt, por obligim i yni shtetëror.

Lëvizja BESA vazhdimisht tregon kujdes për diasporën, por njëkohësisht jemi duke punuar që ta fuqizojmë rolin politik të diasporës në vend.

Iu dëshiroj mërgimtarëve shëndet dhe mirëseardhje

June 23, 2020

error: Content is protected !!
Struga Ekspres