Ministria e Punëve të Brendshme e Maqedonisë zyrtarisht ka konfirmuar se ish kryeministri Nikolla Gruevski gjendet në Hungari, njofton “Zhurnal”,përcjell Struga Ekspres.
MPB ka marrë informacion në rrugë zyrtare se Gruevski aktualisht gjendet në Hungari dhe ka kërkuar azil politik në këtë shtet. Cilat janë procedurat e mëtutjeshme që do të ndjeken, pritet të mësohen në të ardhmen.
Gjithashtu, MPJ e Maqedonisë ka njoftuar se e ka ftuar në bisedë informative ambasadorin e Hungarisë në Maqedoni nga i cili ka kërkuar sqarim për çështjen e Gruevskit.
Ambasadori hungarez ka deklaruar se shteti i tij e mbështet integrimin e Maqedonisë në NATO dhe BE, pa dhënë detaje për çështjen e ish kryeministrit të arratisur.
