Kryeministri Zoran Zaev sot pasdite do të takohet me kryetarin e Bashkimit Demokratik për Integrim Ali Ahmeti.
Ata theksuan se ky është takim në kuadër të serisë së takimeve të kryeministrit Zaev dhe kryetarit të LSDM-së, Dimitar Kovaçevski me partnerët e koalicionit qeveritar, me qëllim të konsultimit dhe shkëmbimit të mendimeve për programin e qeverisë së re.
Takimi vjen pas dorëheqjes së Zoran Zaev nga pozita e kryetarit të LSDM-së dhe marrjes zyrtare të partisë nga kryetari i ri i LSDM-së, Kovaçevski.
