Zoran Zaev: Çulevi fajtor për rritjen e numrit të të infektuarve

Kryetari i LSDM-së, Zoran Zaev, arsyen për rritjen e numrit të të infektuarve e sheh te ministri i brendshëm Naqe Çulev dhe lideri i VMRO – DPMNE-së, Hristijan Mickoski. Zaev beson se me deklaratën e Çulevit se policia nuk duhet të ndëshkojë kur qytetarët nuk e respektojnë orën policore apo masat mbrojtëse, është bërë dëm. U kundërpërgjigj Çulev i cili tha se pas lehtësimit të masave qëndron dëshira e pushtetit për zgjedhje të shpejta. Ministri i brendshëm shtoi se nëse ka dyshim se policia nuk ka vepruar si duhet, përgjegjësi Qeveria të kërkojë nga Drejtori i sigurisë publike sepse veprimi operativ i policisë ka qenë në kompetencë të tij.