Ziadin Sela ka dalur pozitiv në testin e koronavirusit të bërë sot. Kështu ka njoftuar vetë përmes rrjeteve sociale, kryetari i Aleancës për Shqiptarët, Ziadin Sela. Sela thekson se nuk ka ndonjë shqetësim, por që i duhet të respektojë protokollet dhe rekomandimet nga mjekët, përcjell in7.
“Të dashur miq. Sot bëra PCR testin për COVID 19 dhe më duhet të ndaj me ju rezultatin e këtij testi. Është pozitiv.
Jam mirë, klinikisht pa ndonjë shqetësim, por protokollet mjeksore duhet respektuar prandaj më duhet të vetëizolohem për ca ditë. Respektoni masat, ruajeni veten dhe të tjerët”, ka shkruar kreu i Aleancës për Shqiptarët, Ziadin Sela.
