Presidenti Stevo Pendarovski ka marrë vendim që të fal persona të dënuar. Në listë gjendet emri i Abdylfeta Alimit, anëtarë i sigurimit të Kuvendit i cili është dënuar për ngjarjet e 27 prillit, e për të cilin kryetari i Aleancës për Shqiptarët, Ziadin Sela dëshmonte se i ka shpëtuar jetën. Lista e të falurve është nënshkruar dje nga presidenti ndërsa sot është publikuar në Gazetën Zyrtare.
Për këtë vendim reagoi kryetari i Aleancës për Shqiptarët, Ziadin Sela, i cili thotë se Abdylfeta Alimi duhet të jetë i lirë dhe jo i falur.
“U gëzova pa masë Feta, pa çka se tetë muaj falje s’janë asgjë në krahasim me shtatë vite padrejtësisht i dënuar. Ti duhet të jesh i lirë dhe jo i falur. Falë teje jam e falë të qofsha!” tha Sela.
