Kryeministri Zoran Zaev për sot, për dallim nga herat tjera, në takimin e Liderëve ka ftuar edhe kreun e ASH-së Ziadin Sela. Në takimin e Liderëve , sigurisht se temë kryesore diskutimi pritet të jetë çështja e referendumit që është paralajmëruar të mbahet në Tetor.
Ky është takimi i parë zyrtar mes Zaevit dhe Selës, që nga dalja e Aleancës për Shqiptarët nga Qeveria e RM-për çështje parimore.
Si duket Kryeministri Zaev kësaj rradhe nuk e ka dëgjuar partnerin qeveritar BDI-në dhe se sërish llogarit në ndihmën e ASH-së për ta patur sukses Referendumi. Njejtë si vitin e kaluar kur ASH me deputetët e saj kishin rol kyç në krijimin e shumicës së re parlamentare dhe Qeverisë së re.
Nga Aleanca për Shqiptarët konfirmuan se sot do të zhvillohet takim mes Kryeministrit Zaev dhe liderit të ASH-së Ziadin Sela, ku temë diskutimi do të jetë cështja e referendumit që ndërlidhet me antarësimin e Maqedonisë në NATO dhe BE.
