VLEN hap Shtabin zgjedhor në Prespë, Ibrahimi: Gjithandej ndihet fryma e fitores!
Koalicioni VLEN sot ka bërë hapjen e Shtabit zgjedhor nën praninë e simpatizantëve të saj.
Me këtë rast siç bën të ditur lideri i Alternativës, Zeqirija Ibrahimi në një postim në Fejsbuk, “votuesi shqiptar përfaqësohet në çdo cep ku flitet shqip, ku dhe gjithandej ndihet fryma e fitores”.
“Së bashku me krerët e koalicionit VLEN hapëm sot shtabin zgjedhor në Prespë, një rajon ku traditat e lashta shqiptare ruhen me krenari.
VLEN do të jetë në çdo cep ku flitet shqip, duke u përfaqësuar në mënyrë dinjitoze”, ka shkruar Ibrahimi, duke shtuar njëherësh se ndryshimi ka filluar dhe gjithandej ndihet fryma e fitores.
Ndryshe, zgjedhjet lokale do të mbahen më 19 tetor ku VLEN futet me një epërsi bindëse aty ku ka nxjerrë kandidatë të saj.
