Ministri i shëndetësisë Venko Filipçe sot ka mbajtur mbledhje me anëtarët e Komisionit për Sëmundje Ngjitëse, dhe kryetaren e Komitetit Nacional për Imunizim, dr. Aleksandra Grozdanova.
Në takim është shqyrtuar gjendja epidemiologjike e cila siç shprehet ministri, çdo ditë bëhet më serioze.
“Menaxhimi i situatës imponon nevojë serioze të përgjegjësisë nga ana e qytetarëve, veçanërisht nga sot kur në fuqi hyjnë masat e reja. Procesi i vaksinimit vijon pa pengesa në gjitha pikat e vaksinimit, dhe shpresojmë që ky trend i interesimit të rritur do të vazhdojë”, shkruan Filipçe.
