Ministri i Shëndetësisë, Venko Filipçe thotë se deri në fund të verës pritet që të vaksinohen rreth 60 për qind e popullatës në vend, me çka pritet që vendi të arrijë imunitetit kolektiv ndaj Covid-19, transmeton Alsat. Filipçe thotë se të gjitha vaksinat janë të sigurta dhe nuk ka nevojë që qytetarët të bëjnë dallime.
“Vlerësimi ynë është se deri në fund të verës, mund të arrijmë imunitet kolektiv, duke marrë parasysh të gjitha sasitë e vaksinave që duhet të mbërrijnë në vendin tonë”, tha ministri i Shëndetësisë Venko Filipçe në një intervistë për REL.
