Vazhdon të rritet numri i të infektuarve me koronavirus në Maqedoninë e Veriut

Prej disa ditësh në vendin tonë vazhdon të ketë rritje konstante të të infektuarve me koronavirus. Ndërsa i pari i Shëndetësisë e justifikoi sot rritjen si shkak i prezencës së variantit britanik në vendin tonë. Kështu sot nga 2 972 testime, 582 persona kanë rezultuar pozitivë me virusin Korona, ose 20 për qind të testuarve. Po ashtu në 24 orët e fundit kanë humbur betejën me koroavirusin plot 13 persona. Ndërsa Instituti i Shëndetit Publik njofton se janë shëruar edhe 374 persona të tjerë.