*Vazhdon kërkimi për 16-vjeçarem, e cila një ditë më parë është zhdukur në ujërat e lumit Vardar. Nga Qendra për Menaxhim me Krizat, njoftojnë se aktualisht, në vendngjarje janë të angazhuar pjesëtarë të MPB-së, njësia speciale “Ujqërit”, si dhe pjesëtarë nga Stacioni Policor i Velesit.
Aksioni i kërkimit po zhvillohet në koordinim dhe me prani të shtuar në terren. Nga MPB kanë informuar se një ditë më parë në SPB Veles është denoncuar një ngjarje e rëndë në fshatin Ullanci, komuna Gradsko, ku një vajzë 16-vjeçare është zhdukur në ujërat e lumit Vardar, ndërsa ishte së bashku me një 29-vjeçare nga Shkupi, me qëndrim të përkohshëm në këtë zonë. Sipas raportimit, vajza është tërhequr nga rryma e lumit dhe përpjekjet e 29-vjeçares për ta shpëtuar kanë qenë të pasuksesshme.
