Policia e Vjenës është duke vazhduar aksionin për kapjen e sulmuesve në Vjenë.
Në një postim në Twitter, policia u ka bërë thirrje të gjithë qytetarëve që të qëndrojnë brenda në shtëpi, ndërsa ata që ndodhen rastësisht jashtë të gjejnë strehim urgjent.
“Ende aktiv. Qëndroni në shtëpi. Nëse jeni në rrugë, gjeni strehim. Rrini larg vendeve publike, mos përdorni transportin publik”, ka shkruar Policia e Vjenës.
Të paktën një sulmues është vrarë dhe një tjetër është arrestuar gjatë operacioni policor pas të shtënave me armë zjarri nga të paktën gjashtë lokacione në kryeqytetin austriak. Për momentin ende nuk dihen motivet e këtij sulmi që ka tronditur Austrinë.
