Gjatë fundjavës së kaluar, zyrtarët policorë të SPB Tetovë – Departamenti i Punëve të Brendshme Gostivar kanë kryer një tjetër kontroll nga seria e kontrolleve në kazino dhe bastore sportive.
Gjatë kontrollit në një kazino në rrugën “Kay Bratstvo” në Gostivar është gjetur një djalë 15-vjeçar nga një fshat i Gostivarit, ndërsa në një lokal bastesh në “Goce Dellçev” një djalë 16-vjeçar nga Gostivari.
Dy të miturit u janë dorëzuar prindërve të tyre dhe ndaj pronarëve të kazinosë dhe pikave të basteve, pas zbardhjes dhe dokumentimit të plotë të rastit, do të përpilohen denoncimet sipas nenit 20 të ligjit për lojërat e fatit dhe lojërat argëtuese./TVGlobi
