Një infermiere italiane 49-vjeç që punonte në spitalin Jesolo, i dha fund jetës duke u hedhur në lumin Cortellazzo, në Venecia.
Dy ditët e fundit ajo ka qëndruar në shtëpi sepse kishte simptomat e koronavirusit, përfshirë edhe ethet. Ajo kishte bërë testin, por përgjigjia nuk i kishte dalë ende.
“Ajo ishte e përkushtuar në punë, një person i pazëvendësueshëm për kolegët dhe për spitalin”, tha drejtori i spitalit, Carlo Bramezza.
Infermierja punonte në këtë spital që prej vitit 1991 në departamentin e kirurgjisë. Ditët e fundit ajo u ofrua që të punonte në departamentin e sëmundjeve infektive duke u kujdesur për 25 pacientë me koronavirus.
