Një tjetër aksident ka ndodhur në aksin Librazhd-Elbasan pranë fshatit Mirakë.
Sipas informacioneve paraprake, një makinë është përplasur me një autobus ku udhëtojnë nxënës.
Për pasojë, raportohet paraprakisht se një person ka mbetur i vdekur, ndërsa jan plagosur në gjendje të rëndë drejtuesi dhe pasagjeri i makinës. Në vendngjarje kanë shkuar forca të shumta policore dhe ambulanca.
Shkak për aksidentin dyshohet se është bërë një parakalim i gabuar.
Nuk dihen ende detaje të tjera për identitetin e viktimave dhe të plagosurve.
Kujtojmë se gjatë ditës së djeshme, në Qafë Thanë u aksidentua një autobus me 28 persona, gjimnazistë dhe mësues të një gjimnazi të Roskovecit, ku pësuan lëndime 7 nxënës.
