Një aksident i rëndë ka ndodhur mesditën e sotme në aksin Sarandë-Gjirokastër, te Qafa e Muzinës. Një furgon ka dalë nga rruga duke përfunduar në greminë poshtë një ure. Nga të dhënat e policsë raportohet për pesë viktima, 3 gra dhe 2 burra, përfshirë edhe shoferin e furgonit.
Dy prej viktimave janë zënë poshtë nga furgoni duke mos patur asnjë shans, ndërsa tre të tjerët dyshohet se kanë ndërruar jetë për shkak të traumave të pësuara.
Dëshmitarë të aksidentit u bënë mjaft udhëtarë të rrugës Gjirokastër-Sarandë, një ndër më të frekuentuarat gjatë kësaj periudhe.
