Teqja dhe Bregu i Diellit me përkrahje të fuqishme për Kasamin: Vazhdojmë fuqishëm në 4-vjeçarin e ardhshëm
Në një atmosferë entuziaste dhe përkrahje masive, kryetari i Komunës së Tetovës, Bilall Kasami, sonte ka mbajtur tubim me banorët e lagjeve Teqe dhe Bregu i Diellit, ku u mirëprit me përkrahje nga banorët e këtyre lagjeve.
Kasami pas tubimit theksoi se këto dy lagje janë shembull i punës konkrete gjatë mandatit të tij.
“Lagjja Teqe dhe Bregu i Diellit fuqishëm për Tetovën që ecë përpara. Kjo prezencë dhe përkrahje nga zemra e Tetovës na mbush zemrat plot entuziazëm për fitoren e madhe të 19 tetorit. Teqen e bëmë me rrugë evropiane, ndërsa në Bregun e Diellit e zgjidhëm problemin shumëvjeçar me ujin e pijshëm”.
“Këto lagje po transformohen bashkë me mbarë Tetovën. Edhe më mirë, edhe më shumë, edhe më fuqishëm në 4-vjeçarin e ardhshëm. Tetova s’ndalet!”, përfundoi Kasami.
