Deputeti i Aleancës për Shqiptarët, Syrija Rashidi, aktualisht po qëndron në Londër në një vizitë zyrtare në Parlamentin Britanik. Rashidi është pjesë e delegacionit nga Kuvendi i Republikës së Maqedonisë së Veriut.
Gjatë ditës së sotme, në brifingun e organizuar enkas për delegacionin, deputetët realizuan takim edhe me njërin nga politikanët simbol të politikës ndërkombëtare. Xhorxh Robertson, ish Sekretari Gjeneral i NATO-s me kënaqësi ka pranuar takimin me delegacionin nga Maqedonia e Veriut, ku temë bisede ka qënë aktualiteti politik në shtetin tonë, pas ndryshimeve kushtetuese, ndryshimit të emrit të shtetit dhe përmbylljen e kapitullit disavjeçar të kontestit për emrin me fqinjin grek.