Kreu i BFI-së, Sulejman Rexhepi është pajisur me pasaportë të shtetit Shqiptar. Ai i entuziazmuar e ka bërë të ditur lajmin në rrjetin social Facebook duke faleminderuar institucionet shqiptare.
Sulejman Rexhepi me rastin e pajisjes me pasaportë ka bërë këtë faleminderim ndaj shtetit shqiptar.
“Autoritetet shqiptare, me angazhimin dhe nënshkrimin e presidentit të Republikës së Shqipërisë z. Ilir Meta, sot zyrtarisht më ndanë pasaportën shqiptare.
Ndihem veçanërisht i nderuar dhe shpreh kënaqësinë time që me përkrahjen e Presidentit Ilir Meta,njeriut që me tërë qenien e vetë po përkujdeset për shqiptarët kudoqofshina ata, autoritetet përgjegjëse të shtetit shqiptar më mundësuan të pajisem me pasaportën shqiptare të cilën e konsideroj tej mase të vlefshme, qoftë nga ana simbolike, qoftë nga ajo praktike. Kjo pasaportë është gëzim i imi dhe realizim i një dëshire të kahmotshme sepse duke e poseduar atë unë e ndjej vehten edhe konkretisht pjesë të shtetit tim amë. Zoti e bekoftë Presidentin Meta, Zoti e bekoftë Shqipërinë!”. ka shkruajtur Rexhepi.
