Në horizontin politik të Strugës po fryn një erë e re, një erë që sjell shpresë, guxim dhe besim, se e ardhmja mund të ndërtohet mbi vlerat, jo mbi interesat. Mendi Qyra, kandidati i pavarur që ka fituar zemrat e mijëra qytetarëve, është tashmë më afër se kurrë fitores së madhe për të udhëhequr Strugën drejt një epoke të re.
Mendi Qyra nuk do të jetë thjeshtë një emër në fletëvotim. Ai është zëri i qytetarit të thjeshtë, i biznesit lokal që kërkon zhvillim, i të rinjve që nuk duan të emigrojnë, por të ndërtojnë të ardhmen në qytetin e tyre. Ai është përfaqësimi i një gjenerate që nuk pranon më premtime boshe, por kërkon punë të vërtetë, ndershmëri dhe përkushtim.
Kjo është ajo që e bën ndryshe, sinqeriteti, transparenca dhe vizioni i qartë për një Strugë më të zhvilluar, më të pastër dhe më të drejtë për të gjithë.
Era e ndryshimit që po ndihet gjithandej është një thirrje për t’u bashkuar rreth një ideali të përbashkëtn,jo për Mendi Qyrën si individ, por për qytetin e Strugës si shtëpia jonë e përbashkët.
Fitorja e Mendi Qyrës nuk do të jetë vetëm një fitore personale, por do të jetë një fitore qytetare. Do të jetë një mesazh i fuqishëm se ndryshimi është i mundur kur njerëzit besojnë në vlerat e tyre dhe guxojnë të marrin fatin në dorë.
Struga po zgjohet. Shpresa po merr formë. Dhe bashkë me Mendi Qyrën, qyteti është gati të ecë përpara me krenari dhe vendosmëri.
#EraeNdryshimit #StrugaMeMendiQyrën
