Qeveria e Republikës së Maqedonisë së Veriut dhe ajo e Shqipërisë do të mbajnë sot në Shkup mbledhje të përbashkët në të cilën kryeministrat Dimitar Kovacevski dhe Edi Rama do të mbajnë fjalime zyrtare.
Në seancën ndërqeveritare do të mbahet edhe ceremonia e nënshkrimit të disa marrëveshjeve dhe memorandumeve nga ministrat e dy qeverive, me qëllim thellimin e bashkëpunimit mes dy vendeve.
Pas përfundimit të mbledhjes së përbashkët, dy kryeministrat do të mbajnë konferencë për shtyp, që pritet të fillojë në ora 13:00.
Mbledhja e dytë mes dy qeverive mbahet me propozim të Ministrisë për Sistem Politik dhe Marrëdhënie ndërmjet Bashkësive.
