Valdet Sadiku, shefi i zyrës ndërlidhëse të Kosovës në Beograd, ka thënë se të gjithë pasagjerët të cilët pësuan lëndime nga aksidenti i sotëm në Serbi, janë jashtë rrezikut për jetë.
Sadiku në Info ka thënë se janë nëntë persona të lënduar, shtatë nga të cilët janë liruar nga spitali ku ishin dërguar për trajtim.
”Të gjithë janë në gjendje të mirë shëndetësore, dy nga nëntë të lënduarit janë duke vazhduar intervenimet kirurgjike në spitalin e Nishit dhe gjendja e tyre është stabile”.
Ai gjithashtu ka theksuar se pjesa tjetër e udhëtarëve janë kthyer tashmë në Kosovë.
