Shkëmbi i ra përmbi, tërmeti fatal për 27-vjeçaren në Bosnjë, flasin fqinjtë që s’mundën ta shpëtonin

Për Elmirën komente të shumta shkruajtën fqinjtë, miqtë dhe bashkëqytetarët e saj, të cilët janë ende të tronditur pas tragjedisë që e mbështjelli Stolacin në të zeza. Shoqja e saj tregon se Elmira kishte magjistruar në Fakultetin e Shëndetësisë dhe se e kishte marrë titullin fizioterapiste.

Fqinjtë thonë se ajo u kthye në shtëpi nga qyteti pak para tërmetit që ndodhi të premten në orën 23:07. Ajo po ecte në korridor kur një shkëmb u shemb mbi të nga një kodër, duke thyer çatinë e shtëpisë, përcjell Gazeta Express.

Fqinjtë që i erdhën në ndihmë nuk mund t’ia hiqnin shkëmbin e rëndë që e kishte zënë përfundi.

E ëma e fqinjit të parë të Elmirës, ​​Uso Cerkez, e cila erdhi në ndihmë, Ediba Cerkez, tha për Dnevni Avaz se “zhurma e gurëve që rrotulloheshin drejt shtëpive nuk do të harrohet kurrë”.

Fillimisht gjithçka filloi të lëkundet, gjithnjë e më fort, dhe më pas u dëgjua zhurma e gurëve që rrotulloheshin dhe rrëzonin pemë e gardhe.

“Ne ishim të parët që shkuam për të ndihmuar, por nuk mundëm ta bënim. Më vonë dëgjuam se ajo ndërroi jetë rrugës për në spital”, thotë ajo mes lotësh.

Qyteti i Stolacit është i banuar kryesisht nga të moshuar të cilët mbështeten nga fëmijët e zhvendosur në vend dhe në botë.

Ditë zie është shpallur dje nga kryetari i komunës së Stolacit, Stjepan Boshkoviq.

“Megjithëse ne shpresonim pas tërmetit se dëmi ishte vetëm material, fuqia shkatërruese e natyrës mori një jetë njerëzore”, tha Boshkoviq.