Tre pensionistë nga Shkupi mbi moshën 75 vjeçare janë përleshur në fshatin Peshtan në orën 04 të mëngjesit.
Tre banorë të Shkupit, të gjithë mbi 75 vjeç, kanë prishur rendin dhe qetësinë publike në orët e para të mëngjesit të djeshëm, kur po grindeshin me njëri tjetrin në afërsi të fshatit Peshtan të Ohrit, njoftojnë nga Ministria e Punëve të Brendshme.
“Me datë 20 Qershor 2022 në ora 04.45 në Sektorin për Punë të Brendshme në Ohër është raportuar se në afërsi të vendbanimit Peshtan8 është prishur rendi dhe qetësia publike me një përleshje fizike ndërmjet S.D (75 vjeçar) dhe M.L.(77 vjeçar) në njërën anë dhe A.L (76 vjeçar) nga ana tjetër, të gjithë nga Shkupi”, thonë nga policia.
Pas dokumentimit të plotë të rastit, ndaj të treve do të ngrihet kallëzimi përkatës.
