Një djalë 22 vjeçar ka mbetur i vrarë natën e kaluar në Strumicë në një përleshje mes dy familjeve të ndodhura në lagjen turke në rrugën “Betovenova” dhe është lënduar një i mitur gjashtëmbëdhjetë vjeçar, si dhe dy gra,raporton Kanal 5,përcjell Struga Ekspres.
Lajmin e ka konfirmuar drejtoresha e spitalit të Strumicës, Katerina Kuzmanovska, e cila ka bërë të ditur se djali është therur me thikë dhe është sjellë i vdekur në spital, ndërsa të lënduarit janë jashtë rrezikut për jetën.
Sipas zëdhënëses së SPB Strumicë, Aleksandra Trajanovë, në rrugën “Betovenova” në Strumicë është raportuar një incident dhe policia po merr masa për zbardhjen e rastit.
Policia do të njoftojë sot për më shumë informacion rreth ngjarjes.
(Struga Ekspres)
