*Vendet e NATO-s duhet të përgatiten për luftë dhe të rrisin shpenzimet për mbrojtjen, përndryshe Rusia mund të përpiqet të bëjë diçka të ngjashme me atë që ndodhi në Ukrainë, deklaroi Sekretari i Përgjithshëm i NATO-s, Mark Rutte, shkruan gazeta gjermane “Die Welt”.
“Po ju them qartë: duhet të përgatitemi për luftë. Kjo është mënyra më e mirë për ta shmangur atë,” tha Rutte, sipas Klix.ba.
Sekretari i Përgjithshëm i NATO-s theksoi gjithashtu se Europa nuk duhet të tregojë dobësi ndaj Rusisë, përndryshe Rusia mund të përpiqet të bëjë diçka të ngjashme me atë që ndodhi në Ukrainë.
Megjithatë, sipas Rutte-s, kërcënimi nuk vjen vetëm nga Rusia, pasi ai beson se Kina ka zgjeruar ndjeshëm kapacitetet e saj ushtarake.
Sipas tij, Gjermania veçanërisht duhet të shpenzojë dhe të prodhojë më shumë, si dhe të vazhdojë rrugën që ka zgjedhur si në Europë, ashtu edhe në mbështetje të Ukrainës.
