Pasi qendra policore e emergjencës ka marrë një informatë për një rrahje masive, policia zvicerane ka shkuar në vendngjarje me disa patrulla policore. Me këtë rast, ajo ka arrestuar përkohësisht 23 persona të moshës prej 15-26-vjeçare. Tre nga ta kanë pësuar lëndime trupore dhe janë trajtuar në spital. Tani do të sqarohet arsyeja e zënkës, përderisa Prokuroria ka hapur hetimet.
Natën e së enjtes rreth orës 22.15, policia ka marrë një informatë se në afërsi të shkollës „Pfrundmatt“ në Reinach është shkaktuar një zënkë masive në mes të disa personave, shkruajnë mediat zvicerane, përcjellë „Shtegu.com“. Me këtë rast, në vendngjarje kanë arritur disa patrulla policore dhe autoambulanca.
Sipas hetimeve fillestare, tre persona kanë kaluar me disa plagë më të lehta. Në vengjarje policia ka arrestuar përkohësisht 23 persona në mesin e të cilëve: Eritreas, zviceranë, gjermanë, kosovarë, maqedonas, turq dhe italianë. (Shtegu.com)
