Rinia e Aleancës:15 vite që Ramiz Merko i solli deponinë-kancerin Strugës
DEPONIA E MBETURINAVE NË STRUGË VAZHDON T’I HELMOJ QYTETARËT
Të nderuar qytetarë,
Të nderuara media,
Janë gati 15 vite që kur qytetit tonë nga ana e kryetarit aktual Ramiz Merko,i është shtuar ajo që sot njihet si kanceri i këtij qyteti.
Në vetëm 1 kilometër vijë ajrore nga liqeni,shumë pranë zonave të banuara dhe zonës industriale,problemi i deponisë mbetet akoma shqetësim per qytetarët.
Kërkojmë shpjegim nga ana e organeve kompetente dhe nga komuna e Strugës se çfare po prolongon dislokimin e këtij pirgu mbeturinash,ku shkojnë me qindra mijëra denarë për mirëmbajtjen e deponisë,përse sistemi për përpunimin e mbeturinave nuk punon,cilat jane arsyet për mos transportimin e mbeturinave në depon e Drisllës ?
Ndoshta arsyet janë të thjeshta,gjë që shpjegon faktin se njerëzit që e sollën atë, janë po ato të cilët pamëshirshëm luftonin dislokimin e madje urdhëronin edhe djegien e saj,duke e bërë kështu më të vështirë jetësimin e premtimeve,tashmë të marra peng nga interesat e ngushta personale.
