Reagoj ashpër për veprimin tendencioz të segmenteve të Policisë së Strugës që pas më shumë se dy vite hetim dhe pa asnjë fakt të vetëm dhe konkret, sot vetëm për spektakël mediatik, gjoja paska ngritur procedurë penale ndaj meje.
Me pergjegjësinë më të madhe morale, financiare dhe penale deklaroj se asgjë nga ato që pretendon policia nuk është e vertetë. E para e punës, për të informuar opinionin e gjëre, unë kam dhënë deklaratë me shkrim në polici, bashkë me gjurmët e gishtërinjve – parafinë, ADN, numrin e celularit dhe çdo gjë që ka qënë e nevojshme për ti ndihmuar procedurës. Këtë e kam bërë me vullnet të plotë, me qëllimin e vetëm, të ndihmoj në zbardhjen e veprës penale dhe kapjes së autorit të kësaj vepre.
Nga java e ardhshme përmes avokatëve do të paditen penalisht të gjithë këto zyrtarë të policisë dhe jo vetëm, për keqpërdorim të detyrës zyrtare, për dëshmi të rrejshme, për shpifje dhe për shqetësim.
K.Ll – i apostrofuar nga struktura të dyshimta të Policisë
