Reagon ashpër Blerim Reka: Vendim skandaloz për vrasësin, Almiri u vra përsëri

Profesori universitar dhe ish-kandidati për president, Blerim Reka ka reaguar ashpër lidhur me vendimin skandaloz për Boban Iliç, i cili është personi që shtypi për vdekje me veturë 4 vjeçarin nga Kumanova, Almir Aliu.
“Rivrasja e Almirit, rivrasje e “shoqërisë për të gjithë” – para 1 vit e gjysmë, kërkoja që gjykata të dënojë fajtorin e liruar, për të rivendosur barazinë ligjore. Fatëkeqësisht, kjo nuk ndodhi as sot: drejtësia selektive vazhdon. #jaccuse”, ka shkruar profesori Reka.
I akuzuari Boban Iliq i cili shtypi për vdekje vogëlushin Almir Ali, dënohet me vetëm 6 vjet burg për veprën penale “Vepër e rëndë kundër sigurisë së njerëzve dhe pronës në komunikacion”.
Edhe avokati i familjes së Almir Aliu, Asmir Alispahiq tha se ky do të jetë shembull për drejtësi selektive me të cilën do të mësojnë studentët e ardhshëm të drejtësisë të cilët do të duhet të mësojnë se si nuk duhet të sillet drejtësia, në këtë mënyrë selektive, sidomos kur bëhet fjalë për shqiptarë.