20 Maji Dita e zjarrfikësve në Maqedoninë e Veriut
Dita e zjarrfikësve , në Strugë u shënua me një sërë aktivitetesh të organizuara nga Njësia territoriale e zjarrfikësve – Strugë.
Kryetari i Komunës së Strugës vizitoi ambientet e Njësisë territoriale të zjarrfikësve ku u solidarizua me zjarrëfikësit dhe u tregua i gatshëm për të siguruar kushtet e nevojshme për punë.
Nxënësit e shkollave fillore “Vëllezërit Milladinov” dhe “Josip Broz Tito” patën rastin të njiheshin nga afër me punën e zjarrfikësve , me parkun vozitës dhe me pajisjet e tyre kundër zjarrit.
Dita e zjarrfikësve shërben për të na rikujtuar se profesioni i zjarrfikësve është një ndër profesionet më fisnike dhe se NJTZ është një nga insitucionet më të rëndësishme kur vjen në pyetje siguria e qytetarëve tonë, prandaj sot më shumë se çdo ditë tjeter jemi mirënjohjës ndaj punës dhe sakrificave të shumta të zjarrfikësve.
Fal jush , Struga është më e sigurtë.
Zyra për marrëdhënie me publikun,
Komuna e Strugës.
