Kryeministri i Shqipërisë, Edi Rama para Samitit BE-Ballkani Perëndimor tha se nuk pret që Shqipëria dhe Maqedonia e Veriut të marrin datë për fillimin e negociatave, përcjell TV21. Rama tha se nuk beson se në Bullgari do të zgjidhet çështja mes Shkupit dhe Sofjes.
“Përkundër optimizmit të ngutur të disave edhe këtu në Bruksel, nuk pres të zgjidhet asgjë në Bullgari, po ndërkohë me sigurisht nëse do të zgjidhet, do të jetë një motiv për të marrë frymë të lehtësuar nga kjo pengëmarrje e një vendit të NATO-s, të dy vendeve të NATO-s në kulmin e një lufte të nxehtë në kufi të Evropës dhe nën vështrimin e 26 vendeve tjera”, deklaroi Rama.
