Kreu i qeverisë shqiptare, Edi Rama është treguar pesimist për hapjen e bisedimeve me Bashkimin Evropian, përcjell TV21. Rama përmes një shkrimi në Twitter thotë se BE është kidnapuar nga Bullgaria, dhe se duket që BE do të jep sërish një “Jo, më fal” për Maqedoninë e Veriut dhe Shqipërinë.
“Ne diskutuam gjatë sot me liderët e Serbisë dhe Maqedonisë së Veriut për Samitin e ardhshëm të BE-së. Duket se një tjetër “Jo, më fal!” do të jetë ajo që do të dëgjojmë në fund! I gjithë Unioni i kidnapuar nga Bullgaria nuk është një spektakël i mirë për t’u parë! Çfarë ka për të bërë atje?!”, ka shkruar Rama.
