Tridhjetë qengja dhe disa dele sot në mëngjes janë sulmuar dhe mbytur nga qentë endacak në stallën e familjes Uzeiri nga fshati Teferiç i Strugës.
Pronarët për Alsat thanë se kur kanë ardhur tek stalla, fotografia që kanë parë ka qenë e tmerrshme. Nga të gjitha anët gjak, dele dhe qengja të mbytur.
Në vendngjarje kanë dalë inspektorët e Veterinarisë dhe policia. Dëmi i shkaktuar vlerësohet të jetë mijëra euro.
