Këshilltari i ish-ministrit të Jashtëm Behgjet Pacollit, Jetlir Zyberaj, ka publikuar dokumentet e inteligjencës serbe, që sipas tij, tregojnë se masakra e Reçakut ishte përgatitur mirë nga ushtria serbe.
Narracioni sipas Zyberajt, ishte që për këtë masakër, të bëhej përgjegjëse Ushtrinë Çlirimtare e Kosovës.
Ai në një postim në Facebook, ka thënë se shumë krime të Serbisë, ishin planifikuar për t’i bërë shqiptarët përgjegjës.
“Dokumentet e inteligjencës serbe tregojnë se masakra e Reçakut është përgatitur mirë nga ushtria serbe dhe gjithashtu narracioni për ta bërë Ushtrinë Çlirimtare të Kosovës përgjegjëse. Shumë krime të kryera nga Serbia ishin planifikuar për t’i bërë shqiptarët përgjegjës”, ka shkruar Jetlir Zyberaj.
