Protesta ditën e djeshme ishte e qetë dhe përfundoi pa ndonjë incident.
Në fillim kreu i VMRO-DPMNE-së, Hristijan Mickoski, theksoi se partia e tij nuk do të mbështesë asnjë ndryshim kushtetues në Kuvend.
Më pas protestuesit vazhduan marshin deri tek Ministria e Drejtësisë, teksa aty në mënyrë simbolike vendosën lule dhe kërkuan dorëheqje.
Dorëheqje protestuesit kërkuan edhe para Kuvendit me moton “Ultimatum- Jo, faleminderit”.
Ish-ambasadori Ivica Bocevski në protestën e djeshme “Ultimatum, JO faleminderit” njoftoi se nga nesër do të fillojnë bllokada në mbarë vendin për shkak të propozimit francez.
“Do të kemi bllokada në të gjithë vendin. Bllokadat do të fillojnë në ora 13:00, do ta bllokojmë tërë Maqedoninë derisa deputetët tanë trima luftojnë në Kuvend për interesat tona në mbrojtje të gjuhës, popullit dhe shtetit maqedonas”, tha Bocevski.
