Prej sot qytetarët mund të kthejnë tatimet

Prej sot fillon zbatimi i projektit qeveritar “TVSH-ja ime”. Nga sot , qytetarët do të mund t’i skanojnë bar- kodet e faturave fiskale, përmes të cilave do të mund të marrin 15% kthim të tatimit. Nga kjo datë, në qarkullim do të jetë edhe aplikacioni “TVSH-ja ime”, përmes të cilës do të mund t’i kthejnë paratë nga produktet e blera me tatim prej 18%. Një familje prej katër anëtarëve, do të mund të realizojë kthim të TVSH-së prej maksimum 28.800 denarëve në vit ndërsa mjetet nëpër llogaritë e tyre qytetarët do t’i marrin në çdo tre muaj. Këtë mundësi do ta ketë çdo qytetar i moshës mbi 15 vjeçe, i cili ka llogari në bankë dhe është pjesë e sistemit E- tatime në DAP. Kthim të TVSH-së nuk mund të realizohet për fatura mbi 30.000 denarë. 98% të amvisërive mund të realizojnë kthim të TVSH-së në konsumin e tyre të përgjithshëm ndërsa për 2% të tjerë apo për të pasurit, do të ketë limit.