Më 31.05.2025, rreth orës 15:30 në SPB-Tetovë është raportuar për një aksident të rëndë trafiku në rrugën magjistrale Gostivar-Tetovë, afër mbikalimit për fshatin Kamjan. Aksidenti ka ndodhur kur vetura e tipit “Golf” me targa të Tetovës, e drejtuar nga J.S. (22) nga fshati Pirok, ka dalë jashtë rrugës.
Në vendin e ngjarjes, mjekët e ndihmës së shpejtë kanë konstatuar vdekjen e pasagjeres Gj.A. (33) nga fshati Bogovinë. Ndërkohë, të lënduar janë transportuar në Qendrën Urgjente të Tetovës shoferi J.S. dhe pasagjerët V.R. (28) nga Bogovina, J.O. (21) nga Pirok, A.M. (10) nga fshati Palatica, A.M. (6) nga Bogovina dhe A.R. (15) nga fshati D. Pallçisht.
Në vendin e aksidentit hetime ka kryer ekipi i SPB Tetovë së bashku me Prokurorin Publik nga Prokuroria Themelore Publike – Tetovë.
