Pesë trajnerë nga 32 që erdhën në Botërorin “Katar 2022”, nuk janë më në krye të detyrës në kombëtaret përkatëse, duke qenë të papunë. Eliminimi apo rezultatet e dobta kanë bërë që ata të mos vijojnë më të jenë në detyrë.
I pari që vuajti eliminimin e shpejtë është Roberto Martinez, që u largua nga detyra e trajnerit të Belgjikës. Më pas u largua Gerardo Martino nga posti i trajnerit të Meksikës, pasuar nga largimi i Paulo Bento nga stoli i Koresë së Jugut dhe ai i Adda Otto nga detyra e trajnerit të Ganës.
I fundit që u largua është Luis Enrique, që nuk do të drejtojë më Spanjën pas eliminimit pak ditë më parë. Ai që i ka shpëtuar shkarkimit është trajneri i Gjermanisë, Hansi Flick, por ai që pagoi shtrenjtë eliminimin e turpshëm është Olivier Bierhoff, drejtori sportiv.
