Në Strumicë dje rreth orës 15:00 në rrugën “Slavço Stojmenski” është prishur rendi dhe qetësia publike me një grindje mes N.A., Z.A., G.A. dhe R.A. nga njëra anë dhe K.M., A.M. dhe S.M. nga ana tjetër.
Siç njoftoi MPB, fillimisht ka pasur grindje verbale midis personave, me ç’rast të njëjtit kanë shkëmbyer disa goditje me grushte, karrige dhe sende të tjera si dhe sëpatë.
“Personat janë ndarë nga nëpunësit policorë. Një pjesë nga pjesëmarrësit kanë marr lëndime trupore, ndërsa S.M. është dërguar në Institucionin e Shëndetit Publik – Spitali i përgjithshëm në Strumicë për t’ju ofruar ndihmë mjekësore”, qëndron në kumtesë.
Pas kompletimit të dokumentacionit për rastin kundër personave do të ndërmerren masat e duhura./Express/
