Sot ishte dita e fundit pas 41 vitesh në arsim e mësimëdhënësit Mensur Dauti, i palodhëshëm dhe shembullor për shumë gjenerata të cilët i ka arsimuar që nga viti 1977, shkruan Struga Ekspres.
Mensur Dauti pas pensionimit do të mbahet mend si arsimtari simbol i shkollës fillore “Jeta e re” në Frëngovë që me punën e tij prej shumë vitesh në arsim ishte shumë i dashur për nxënësit dhe stafin pedagogjik.
Arsimtari Mensur ligjëroi në lëndën e Historisë dhe Gjeografisë ku për breza të tërë përcolli dashurinë për atdheun dhe historinë e lavdishme shqiptare, ku edhe në kohrat më të vështira të ish Jugosllavisë nuk hezitoi që të thotë të vërtetën e historisë shqiptare edhe pse në planprogramet mësimore të asaj kohe nuk fliteshte për shqiptarët e sakrificës dhe luftës për liri dhe arsimin shqip por thjeshtë ishte një planprogram mësimor i gatuar në kuzhinat e Jugosllavisë qê thoshte gënjeshtra të kulluara për shqiptarët duke mbjellë urrejtje, shkruan Struga Ekspres.
Drejtori i shkollës “Ashim Agushi”, Shefi Cenka dhe stafi pedagogjik i shkollës “Jeta e re” në Frëngovë, nxënësit dhe ish nxënësit falenderojnë arsimtarin për kontributin e tij të pashembullt gjatë 41 viteve në arsim duke i uruar jetë të gjatë dhe të lumtur pas pensionimit,shkruan Struga Ekspres.
Mensur Dauti ka diplomuar në Universitetin e Shkupit në vitin 1976 ku për herë të parë në vitin 1977 ligjëroi në lëndën e historisë në shkollën “Bashkim Vllazërimi” në Ohër, për tê vazhduar më pas në Ladorisht dhe Frëngovë.
Arsimtari nga Frëngova Mensur Dauti është model frymëzimi, i një njeriu të mësuar e fisnik, mësuesit guximtar e vizionar, atdhetarit të ndershëm i cili jetoj një një periudhë mjaft të trazuar për fatet e mbijetesës së kombit shqiptar, ku ai nuk qëndroi si sehirxhi, por veproi me guxim dhe trimëri, veçori të një shqiptari me ndjenja të forta atdhetarie.
Shkollës së Frëngovês do ti mungojë arsimtari Mensur Dauti!
(Struga Ekspres)
