*Ka ndërruar jetë djaloshi 17-vjeçar nga Vollkova, i cili më 16 janar ka hipur në një cisternë-vagon dhe është goditur nga rryma.
“Për fat të keq, dhe krahas përpjekjeve maksimale të ekipeve mjekësore, jetën e ka humbur pacienti 17-vjeçar me djegie dhe lëndime të rënda”, thonë nga KARIL.
17-vjeçari nga Volkova ishte goditur nga rryma, kur para tri ditëve në Komunën Kisella Vodë të Shkupit kishte hipur në vagon-cisternë, që ishte djegur, pas çka menjëherë ishte transferuar në Klinikë.
Ky është rasti I dytë, ku në mënyrë tragjike humb jetën një adoleshent.
Para dy viteve, një 14-vjecare nga Ilindeni I Shkupit, gjithashtu humbi jetën, pasi kishte hipur në një vagon për të xhiruar video për TikTok.
