35 vjeçari nga Tetova me qëndrim në Gjermani ka qenë njëri nga personat që humbën jetën nga COVID-19.
I ndjeri është Bunjamin Arifi nga Orasha e Tetovës, që po jetonte dhe punonte në Leverkusen të Gjermanisë. Lajmin për vdekjen e tij e kanë përcjell shumë miq përmes rrjeteve sociale, duke i dhënë lamtumirën e fundit.
Bunjamin Arifi ishte një aktivist i dalluar në mesin e komunitetit, ku ai ushtronte detyrën e kryetarit të xhamisë në Leverkusen të Gjermanisë. Ai ishte i njohur edhe për arritjet profesionale, duke qenë në pozitën e menaxherit të marketeve Lidl në Gjermani.(INA)
