Ministri i arsimit dhe shkencës Jeton Shaqiri në vizitë disaditore në SHBA, u takua me kongresmenë dhe senatorë amerikan
Ministri i arsimit dhe shkencës Jeton Shaqiri ndodhet në vizitë disaditore në SHBA ku u takua me kongresmenët: Robert Aderholt, Lance Gooden, Michael McCaul dhe senatorin në shtetin e Teksasit Brendon Craighton.
“Biseda frytëdhënëse me temë arsimi dhe shkenca. Pozitive dhe të mirëseardhura përvojat e ndërsjella në sistemin arsimor të shteteve tona. SHBA njihen si përkrahës të rëndësishëm në sferën e arsimit dhe morëm garancë për vazhdim dhe rritje të kësaj përkrahjeje edhe më tutje. Informuam që projektet të cilat janë në vijim e sipër në bashkëpunim me organizatat e SHBA në vendin tonë po japin rezultate pozitive dhe përmirsim në temat ku po punohet.
Temë e bisedimeve ishin të gjitha nivelet e arsimit dhe mundësia për shkëmbim të përvojave përmes kuadrit arsimor, posaçërisht në arsimin e lartë” – informon ministri Shaqiri për rrjedhën e takimeve në SHBA dhe temat për të cilat është biseduar.
